القاهرة – رياضة العرب:
طلب التراس النادي الأهلي إقامة مباراة الفريق الأحمر أمام أسيك الإيفوارى يوم 28 يونيو الجارة بالبطولة الأفريقية على استاد القاهرة وليس ملعب برج العرب كما مقررا لها.
وكتب التراس الأهلى على صفحته الرسمية بموقع التواصل الاجتماعى”فيس بوك” بيانا قال فيه: “مباراة مصر ورواندا للشباب اتلعبت على استاد القاهرة بعد ما كان مقفول لشهور ممكن تعدي السنة كمان، طول الوقت اللي كان مقفول فيه كان بيتقال أنه مش جاهز لاستقبال المباريات والحمد لله معنى كده أنه بقى جاهز”.
وأضاف: ” مباراة الأهلي وأسيك هتكون في نهاية الشهر ده وهتكون في رمضان، جمهور الأهلي ممكن يسافر ورا فريقه آخر الدنيا تحت أي ظروف، لكن مافيش أي سبب أن جمهور الأهلي اللي غالبيته هيكون من القاهرة ومحافظات تانية أنه يسافر في الصيام لبرج العرب ويفطر عند الاستاد والمباراة هتنتهي الساعة 12 بالليل ويكون سحوره في الطريق وكل ده في وجود استاد القاهرة فاضي ومفيش مشكلة للعب عليه، لو بنتكلم على تخطيط وتنظيم وعودة الجماهير للمدرجات لازم يكون في تفكير صح واحترام للمشجع ومعاملته معاملة آدمية، الأهلي ملعبه استاد القاهرة مش برج العرب، والأهلي بيلعب باسم مصر زي المنتخب، نتمنى أن الأهلي يتعامل نفس المعاملة”.
