القاهرة – رياضة العرب:
استنجد إيهاب عبد الرحمن، بطل مصر فى ألعاب القوى، بالمهندس خالد عبد العزيز وزير الشباب والرياضة، ومسئولى اللجنة الأوليمبية، من أجل التدخل ومساعدته فى أزمة المنشطات.
وقال إيهاب، في تصريحات إعلامية: “أتمنى حاجة واحدة من الوزير واللجنة الأوليمبة، أنهم يقفوا جنبى ويحسسونى إنى فى بلدى.. وأنا أقسم بالله ما أخذت حاجة ومظلوم فى الموضوع ده، وأتمنى أنهم يسعدونى ويساعدوا الممثل العلمى يسافر معايا علشان نشوف نتيجة التحليل B”.
وتابع: “بقول إعتبرونى أبنكم، وأنا بحلل فى الشهر مرتين دم وبول، يبقى أزاى هغلط غلطة زى دى، وليه نتيجة التحليل ده بس اللى إيجابية واللى قبله واللي بعده سلبية؟”.
وأضاف:”عمرى فى حياتى ما غشيت حد ولا غشيت نفسى.. وأنا حاسس إنى فى كابوس ومستنى أصحى منه، وأنا تعبت بس ربنا كبير وعارف إنى ماخدتش حاجة وإن شاء الله ربنا هيقف جنبى”.
واختتم:”أحصل على مكملات غذائية منذ عام 2013، وأذكرها دائماً فى كل تحليل أقوم به، ولم أغير الكمية التى أحصل عليها أو طريقة تناولها.. وتعرضت لتحليل الدم والبول 4 مرات بالسويد فى 17 يونيو الماضى وجميع العينات كانت سلبية”.
